Texnologiyanın inkişafı ilə smartfonlarla yanaşı, avtomobillərə də sensor ekranlar gəlməyə başladı. Beləliklə, sensor ekranlar avtomobillərdə fiziki düymələri əvəz etdi. Amma avtomobillərdə də smartfon ekranlarında yaşanan problem yaranmağa başladı. Bu problemin üzərinə avtomobil istehsalçısı General Motors barmaq izlərini özü təmizləyən ekran patenti aldı.
Dünyanın ən böyük avtomobil istehsalçılarından biri olan General Motors sensor ekranlarda barmaq izi problemini həll edə bilər.
Sensor ekranları çox uzun müddətdir həyatımızdadır, lakin ekranlarda hələ də zəhlətökən dərəcədə barmaq izi qalır. Bir çox insanın nifrət etdiyi bu vəziyyət gələcəkdə problem olmaqdan çıxa bilər. Çünki General Motors həqiqətən işə yaraya biləcək bir texnologiya üzərində çalışır. Bu mövzuda patent alan nəhəng istehsalçı, üzərindəki barmaq izlərini avtomatik təmizləyən ekranları hədəfləyir. Əsasən avtomobillərdə istifadəsi gündən-günə artan sensor ekranlara diqqət yetirən şirkət, patent üzərindəki işləri ilə bağlı əhəmiyyətli detallar verir. Şirkət tərəfindən patentləşdirilmiş ekranda bənövşəyi piksellər mavi, qırmızı və yaşıl piksellər arasında inteqrasiya olunub. Ultrabənövşəyi işıq kimi, bənövşəyi pikselin buraxdığı işıq da insan gözü üçün görünməzdir, ona görə də bu bənövşəyi piksel ekranda göstərilən rənglərə heç bir mənfi təsir göstərmir. Bənövşəyi piksellərlə yanaşı, ekrana metal oksid əsaslı fotokatalizator örtüyünün də daxil edildiyi bildirilir.
Məhz bu kombinasiya kimyəvi reaksiyadan istifadə edərək ekranda yığılan barmaq izlərini aradan qaldıra bilir. Ultrabənövşəyi işığa məruz qaldıqda, fotokatalizator örtüyü işığı udur və havadakı nəmdən istifadə edərək kimyəvi reaksiya yaradır. Reaksiya zamanı, məsələn, fast food qəbul etdikdən sonra barmaq izləri və ya barmaqlarda qalan və ekrana yapışan yağ qalıqları ilə geridə qalan üzvi maddələr parçalanır. Reaksiya başa çatdıqdan sonra hər şey quruyur və normal toz kimi yox olur.
Ultrabənövşəyi işıq təbii günəş işığından əldə edilə bilər, lakin bənövşəyi piksellərə ehtiyac var. Məsələn, bir çox avtomobillərin günəş işığına maneə törədən rəngli şüşələri var. Sürücünün bu funksiyadan gecə istifadə etmək istəməsi ehtimalı da var.
General Motors hələlik bu çox gözəl texnologiyanın nə vaxt real istifadəyə veriləcəyini açıqlamayıb. Təbii ki, hər hansı bir patentdə olduğu kimi, GM bu sistemi heç vaxt tətbiq etməmək qərarına gələ bilər. Digər tərəfdən, əgər bu texnologiya həqiqətən işləyirsə, patent smartfon istehsalçısı tərəfindən lisenziyalaşdırıla və telefon ekranında istifadə edilə bilər. Hal-hazırda, əksər smartfon ekranları, telefonun şüşə panellərində qalan barmaq izlərini azaldan oleofob örtüyə malik olsalar da, bezdirici barmaq izləri buraxır.
