Elon Musk süni intellektin potensial faydaları və potensial təhlükələri haqqında tez-tez OpenAI-nin ChatGPT-nin noyabr ayında istifadəyə verilməsindən və daha sonra Google-un Bard və Microsoft-un yeni Bing chatbotlarının elan edilməsindən çox əvvəl danışırdı. İndi isə o, Dubayda keçirilən Dünya Hökuməti Sammitində süni intellektin yüksəlişi ilə bağlı narahatlığını dilə gətirməyə davam etdi.
"Sivilizasiyanın gələcəyi üçün ən böyük risklərdən biri süni intellektdir" deyən Musk və davam etdi: "Onun həm müsbət, həm də mənfi mənada böyük bacarıqları, böyük imkanları var. Lakin o, həm də böyük təhlükələr gətirir".
Qəribədir ki, Musk 2022-ci ilin noyabrında ChatGPT chatbotunu istifadəyə verən OpenAI şirkətinin ilk qurucularından biri idi. Məşhur milyarder 2018-ci ildə şirkətdən ayrılıb. İndi o deyir ki, ChatGPT-nin buraxılması ictimaiyyətə süni intellektdəki cari irəliləyişlər haqqında daha yaxşı təsəvvür yaradır: "Süni intellekt bir müddətdir ki, inkişaf etdirilib. Sadəcə, insanların çoxu üçün əlçatan istifadəçi interfeysi yox idi."
Elon Muskın süni intellektlə bağlı qorxulu açıqlamaları ilk dəfə deyil. 2020-ci ilin iyul ayında Musk, "Süni intellektin özlərindən daha ağıllı ola biləcəyini düşünməyən insanlar düşündüklərindən daha axmaqdır" dedi.
Musk, həmçinin bir neçə il əvvəl süni intellektin istifadəsinin tənzimlənməsi ilə bağlı dediklərini təkrarlayaraq, tənzimləmənin inkişaf prosesini ləngidə biləcəyinə inandığını, lakin bunun uzunmüddətli perspektivdə yaxşı ola biləcəyini qeyd etdi: “Məncə, bu, avtomobillərdən, təyyarələrdən və ya dərmanlardan daha çox cəmiyyət üçün daha böyük riskdir."
Elon Musk-ın keçmişdə verdiyi açıqlamalar; Bu Facebook-da işləyən bir çoxları, eləcə də Jerome Pesenti tərəfindən mənfi reaksiyalarla qarşılandı. Daha əvvəl Facebook-un CEO-su Mark Zuckerberg Muskı “məsuliyyətsiz”, Facebook-un süni intellekt üzrə mütəxəssisi Yann LeCun isə Muskın dəli olduğunu demişdi.